Basylymnyń jazýynsha, tótenshe jaǵdaı 12 jeltoqsan kúni kúndiz Sıolkovskıı kóshesindegi 1-úıde bolǵan. О́rt kópqabatty úıdiń úshinshi qabatyndaǵy páterden bastalǵan. Kýágerler oqıǵa sátin vıdeoǵa túsirip alǵan.
Vıdeodan órt sóndirýshiler ishtegi turǵyndardy saty arqyly balkonnan qutqarý kezinde jarylys bolyp, balkonnyń opyrylyp túskenin baıqaýǵa bolady.
Batys Qazaqstan oblysynyń tótenshe jaǵdaılar departamenti habarlaǵandaı, 112 pýltine úshinshi qabattaǵy páterdiń balkon terezesinen qoıý tútin shyqqany týraly habarlama túsken. Oqıǵa ornyna kelgen órt sóndirýshiler jıhaz ben jeke zattardyń janýyn anyqtaǵan.
О́rtti sóndirý kezinde gaz-aýa qospasy jarylǵan. Qaýipti jaǵdaıǵa qaramastan, qutqarýshylar turǵyndardy der kezinde evakýasııalap úlgergen, sonyń arqasynda aýyr zardap bolmaǵan.
Kórshilerdiń aıtýynsha, órtengen páterde eshkim turmaǵan. О́rt shamamen 10 sharshy metr aýmaqta sóndirilgen. Qazirgi ýaqytta órttiń shyǵý sebebi anyqtalyp jatyr.
О́rtti sóndirýge TJD-nyń 23 qyzmetkeri men alty tehnıka qatysqan.
