«Memleket basshysynyń tapsyrmasy aıasynda memleketke qaıtarylǵan aktıvter esebinen Jibek joly aýyldyq okrýginiń 5 eldi mekeni ortalyqtandyrylǵan aýyz sýmen qamtamasyz etildi. Búgin paıdalanýǵa berilgen aýyz sý júıesi shamamen 16 myń abonentke sapaly sý jetkizýge qaýqarly. Aýyz sý qurylysyn «FS Development Group» JShS júrgizdi. Aýdan turǵyndaryn sapaly sýmen qamtamasyz etýge baǵyttalǵan memlekettik baǵdarlamalar aldaǵy ýaqytta da jalǵasyn tabady», dedi aýyz sý júıesiniń iske qosylý rásimine qatysqan aýdan ákimi Arman Abdýllaev.
Aıta keteıik, Saryaǵash aýdanynda 54 eldi meken ortalyqtandyrylǵan aýyz sý júıesimen qamtylǵan. Iаǵnı aýyz sýmen qamtý kórsetkishi – 85,7%.
