Foto: istockphoto.com
Ǵalymdardyń baǵalaýy boıynsha, jasyryn sý kólemi jer betindegi barlyq muhıttar kóleminiń 8%-nan 100%-na deıin quraýy múmkin. Zertteýdi Qytaı Ǵylym akademııasynyń Gýanchjoý geohımııa ınstıtýtynyń professory Dý Chjısıýe bastaǵan zertteý toby júrgizdi.
Zertteý barysynda mamandar alǵash ret laboratorııalyq jaǵdaıda tómengi mantııaǵa tán parametrlerdi – 32 gıgapaskalǵa deıingi qysymdy jáne 2000 kelvınnen asatyn temperatýrany modeldedi. Tájirıbe nátıjesi kórsetkendeı, mantııanyń jartysynan astamyn quraıtyn brıdjmanıt mıneraly burynǵy boljamdardan áldeqaıda kóp sýdy ustap turýǵa qabiletti bolyp shyqty.
Ǵalymdardyń pikirinshe, shamamen 4,6 mıllıard jyl buryn jerdiń qalyptasýynyń erte kezeńinde planeta magmalyq muhıtpen jabylǵan. Ol sýyǵan kezde mıneraldar krıstaldanyp, sýdy jerdiń qatty qurylymynyń ishine «mórlep» tastaǵan.
Bul jańa derekter tómengi mantııa planetadaǵy eń iri ishki sý qoımasy bolýy múmkin ekenin kórsetedi. Bul jańalyq jerdegi muhıttardyń shyǵý tegine jáne tirshilikke qolaıly jaǵdaılardyń qalyptasýyndaǵy úrdisterdiń róli týraly jańa túsinik beredi.
