Sýretti túsirgen – avtor
Shyǵystyń ereksheligi sol, jyl on eki aı boıy tabıǵatta tynyǵýǵa múmkindik mol. Jumystan qolyńyz qalt etse boldy, bir saǵattyq jerden-aq tumsa tabıǵatqa enesiz de ketesiz. Kún qysqa deseńiz, syrǵanaý jolaǵynyń shamdary samaladaı jarqyrap turady. Jadaǵaı jotadan aıaqqa shańǵyny keshe baılaǵan adam da op-ońaı syrǵanap túsedi. Aıtqandaıyn, munda Azııanyń eki dúrkin chempıony Iýlııa Galysheva da jattyǵady. Bala-shaǵaǵa arnalǵan jeke syrǵanaq ta qarastyrylǵan. Mundaı múmkindikpen týrısterdi myńdap tartý kerek deıdi Qytaıdan kelgen qonaqtar.
– О́skemende birinshi ret bolýym, Qytaıdyń Sháýesheginen keldim. Bizdiń jaqta da osyndaı sharalar kóp ótedi. Qazaqstandaǵy, atamekenimdegi mundaı kóńildi sharaǵa qatysqanyma shyn júrekten qýanyp turmyn. Sizder de Qytaıda ótetin qar merekesin kórip qaıtýlaryńyzǵa bolady, – deıdi qandasymyz Aıdana Mural.
Aıtary joq, Shyǵystyń tabıǵaty erekshe. Tómenge qaraı sozylǵan shańǵy jolaǵy jatyr. Aınalasy aspanǵa shanshyla ósken jasyl shyrsha, syńsyǵan orman. Beıne bir ertegi álemine engendeı bolasyz. Osyndaı sulýlyqqa tamsana, shańǵymen zýlap bara jatý bir ǵanıbet. Shańǵy maýsymy naýryzǵa deıin jalǵasady.
Shyǵys Qazaqstan oblysy,
Glýbokoe aýdany
