Atalǵan mektep AI-SANA jobasy sheńberinde Yessenov University bazasynda Fransııada 01Edu platformasyna súıengen, École 42 modelinde ashylyp otyr. Kópsatyly ári joǵary básekeli irikteý nátıjesinde 280 úmitkerdiń ishinen 90 stýdent tańdalyp alyndy. Olar qyrkúıek aıynan bastap osy mektepte bilim alýǵa kiristi.
Baǵdarlama qatysýshylarynyń biri, kompıýterlik ǵylymdar jáne jasandy ıntellekt fakýltetiniń 3-kýrs stýdenti Ádilhan Nurbek mektepte úırenip jatqan daǵdylary týraly: «Men Piscine irikteý kezeńinen sátti ótip, úzdik 90 stýdenttiń qataryna endim. Baǵdarlamanyń sońǵy kezeńinde jasandy ıntellekt baǵytyn tańdaýdy josparlap otyrmyn. Bolashaqta Alem AI jáne Higgsfield AI syndy jobalardan shabyt alyp, álemge tanymal jeke AI jobamdy iske qosýdy maqsat etemin», dep pikir bildirdi.
Baǵdarlamany tolyq aıaqtaǵan árbir stýdent jetekshi álemdik IT kompanııalarynyń halyqaralyq derekqoryna avtomatty túrde engiziledi. Bul túlekterge jahandyq tehnologııalar naryǵynda tabysty eńbek etýge keń múmkindik beredi.
