Foto: Úkimettiń baspasóz qyzmeti
Mınıstrdiń aıtýynsha, 2024-2029 jyldarǵa arnalǵan «Taza Qazaqstan» tujyrymdamasy elimizdegi ekologııalyq qozǵalysqa tyń serpin berdi. Bıylǵy jyly respýblıka deńgeıinde 1 250 is-shara uıymdastyrylyp, oǵan 6,4 mıllıonǵa jýyq adam atsalysqan. Nátıjesinde 795 myń tonna qaldyq shyǵarylyp, 2,8 mıllıon túp aǵash otyrǵyzyldy.
«Azamattardy tartý maqsatynda @TazaQazBot chat-boty iske qosyldy. 25 myń ótinish kelip tústi, onyń 23,6 myńy oryndaldy, bul onyń keri baılanys quraly retindegi tıimdiligin rastady. Bul turǵyndardyń suranystaryna jedel den qoıýǵa múmkindik beredi», dedi Erlan Nysanbaev.
Sonymen qatar 2026 jyly elimizde Ortalyq Azııa elderiniń О́ńirlik ekologııalyq sammıti ótedi dep josparlanǵan. Bul jıyn aımaqtaǵy klımattyq jáne ekologııalyq syn-qaterlerge qarsy birlesken sheshimder ázirleýge múmkindik beredi.
