Foto: istockphoto.com
Mınıstrdiń aıtýynsha, ýnıversıtette atys shyǵarǵan Klaýdıo Manýel Neves Valenteniń elge 2017 jyly dál osy Grın-karta baǵdarlamasy boıynsha kelgenin málimdedi. Kúdikti kezinde DV1 lotereıasy arqyly vıza alyp, keıinnen grın-karta ıelengen.
«Bul jıirkenishti adamǵa bizdiń elge kirýge eshqashan ruqsat berilmeýi kerek edi», dep jazdy mınıstr óziniń X jelisindegi paraqshasynda.
Sonymen qatar, Krıstı Noem 2017 jyly Nıý-Iorkte bolǵan taǵy bir qandy oqıǵany mysalǵa keltirdi. Sol tusta DV1 baǵdarlamasymen kelgen IGIL terrorshy júk kóligimen segiz adamdy qaǵyp óltirgen bolatyn. Mınıstr sol ýaqyttan beri prezıdent Tramptyń bul baǵdarlamany toqtatý úshin kúresip kelgenin eske saldy.
«Prezıdent Tramptyń nusqaýymen men USCIS-ke (AQSh-tyń azamattyq jáne ımmıgrasııalyq qyzmeti) osy baǵdarlamadan budan bylaı amerıkalyqtar zardap shekpeýi úshin DV1 baǵdarlamasyn dereý toqtatýdy tapsyramyn», dep habarlady Krıstı Noem.
Aıta keteıik, Grın-karta (Permanent Resident Card) – AQSh-ta turaqty turýǵa jáne jumys isteýge zańdy quqyq beretin qujat. Bul sheteldikter úshin Amerıkaǵa qonys aýdarýdyń eń tıimdi joly sanalyp kelgen edi. Sońǵy ret lotereıa nátıjeleri osy jyldyń kókteminde jarııalanǵan bolatyn. Endigi kezekte baǵdarlamanyń bolashaǵy qatań baqylaýǵa alynbaq.
