Qazirgi talap boıynsha mamandyǵyna qaramastan, barlyǵyna aǵylshyn tilin biletinin rastaıtyn sertıfıkat (IELTS jáne t.b.) mindetti. Biraq endi myna bilim berý baǵdarlamalarynyń toptary boıynsha oqýǵa túsý úshin shet tilin meńgergenin rastaıtyn sertıfıkat TALAP ETILMEIDI:
- D005 – Dene shynyqtyrý pedagogterin daıarlaý;
- D006 – Mýzyka pedagogterin daıarlaý;
- D017 – Qazaq tili men ádebıetiniń pedagogterin daıarlaý;
- D018 – Orys tili men ádebıetiniń pedagogterin daıarlaý.
О́zgeris jóninde jazǵan jazbasynda A.Aımaǵambetov: «Árıne, ǵylymda aǵylshyn tiliniń mańyzy zor. Degenmen, qazaq fılologııasy nemese mýzyka salasyndaǵy talantty zertteýshilerdiń ǵylymı eńbekteri aǵylshyn tilin tereń meńgerýdi talap etpese de, tek shet tili sertıfıkatynyń joqtyǵynan doktorantýraǵa túse almaı júrgen jaǵdaılardy kórdik. GPT men Gemini sııaqty quraldar shyqqanǵa deıin bul talaptar oryndy bolsa, qazir jaǵdaı ózgerdi. Saýalymda bul máselege saralanǵan (dıfferensıaldy) tásil qoldanýdy usyndym. Qandaı nátıjege qol jetkizdik? Ǵylym jáne joǵary bilim mınıstrligi bul bastamany qoldady. Mınıstrdiń №490 buıryǵymen Úlgilik erejelerge ózgerister engizildi», dep jazǵan.
Buǵan deıin depýtat óz saýalynda úmitkerdiń shynaıy ǵylymı áleýetin baǵalaý úshin túsý kezinde esse jazýdyń ornyna Research Proposal (zertteý jospary) daıyndaýdy engizýdi usynǵan edi. Mınıstrlik bul usynystyń qabyldapti. Research Proposal engizý jáne táýelsiz sarapshylardy tartý normasy 2026-2027 oqý jylynan bastap iske qosý josparlanǵan.
