Pavlodar oblysy Aqtoǵaı aýdany prokýratýrasy memleket múddelerin qorǵaý jáne jer resýrstaryn zańdy ári tıimdi paıdalaný boıynsha júrgizilgen jumys aıasynda jer zańnamasynyń talaptarynyń buzylýyn anyqtady.
Atap aıtqanda, taldaý barysynda «Janabet» sharýa qojalyǵyna tıesili aýyl sharýashylyǵy maqsatyndaǵy jerlerdiń uzaq ýaqyt boıy paıdalanylmaǵany belgili bolǵan.
Aýdan prokýratýrasynyń usynysy boıynsha Jer resýrstaryn basqarý departamenti paıdalanylmaǵan ýchaskelerdi májbúrlep alý týraly talap-aryzdy oblystyq mamandandyrylǵan aýdanaralyq ekonomıkalyq sotqa joldaǵan.
- Sharýashylyq aınalymyna engizilmegen jerlerdiń jalpy aýmaǵy eki júz gektardan asty. Jalǵa alý sharttary buzylyp, ýchaskeler memlekettik menshikke qaıtaryldy. Ákimdik qaýlysymen baǵalaý quny 100 mln teńgeden asatyn jer ýchaskeleri memleket menshigine resimdeldi, - dep habarlady óńirlik prokýratýradan.
Pavlodar oblysy
