Tergeý málimetinshe, Baqtybaı aýylyndaǵy Mádenıet úıin kúrdeli jóndeýge jergilikti bıýdjetten 750 mıllıon teńgeden astam qarajat bólingen. Tıisti kelisimshart aýdandyq ishki saıasat bólimi men merdiger uıym arasynda bes jyl buryn jasalǵan.
Joba boıynsha jumystar 2021 jyldyń sońyna deıin aıaqtalýy tıis bolǵanymen, nysan osy ýaqytqa deıin paıdalanýǵa berilmegen. Soǵan qaramastan, merdigerge bıýdjet esebinen 200 mıllıon teńgeden astam qarajat tólengen.
Qarjylyq monıtorıng agenttiginiń resmı ókili Ernar Taıjannyń aıtýynsha, tergeý barysynda buryn qabyldanyp, aktiler arqyly tólengen birqatar jumystardyń is júzinde oryndalmaǵany anyqtalǵan.
— Tergeý nátıjesinde memleketke keltirilgen zalal kólemi 212 mıllıon teńgeden asty. Kúdiktilerdiń múlkine shekteý qoıyldy. Qylmystyq is boıynsha tergeý amaldary jalǵasyp jatyr, — dedi ol.
Aýdan ákimdiginiń málimetine sáıkes, Baqtybaı aýylyndaǵy Mádenıet úıi Keńes Odaǵy kezeńinde salynǵan jáne sol ýaqyttaǵy eń iri mádenı nysandardyń biri sanalǵan. Ǵımarattyń jalpy aýmaǵy 4 246 sharshy metrdi quraıdy.
Qylmystyq is bıýdjet qarajatyn jymqyrý faktisi boıynsha tergelip jatyr.
