Foto: vesti.kz
Brazılııa naryǵynan tańdalǵan oıynshylar
Almatylyq ujymnyń basshylyǵy brazılııalyq birneshe oıynshymen kelisimge kelgen, alaıda olardyń esimderi ázirge qupııa. Belgili bolǵandaı, jańadan qosylatyn oıynshylardyń biri – qaqpashy, al ekinshisi – ámbebap alań oıynshysy. Jańa qaqpashyny shaqyrýǵa qazirgi golkıper Joao Paýlonyń aıaqpen oınaý múmkindiginiń shekteýliligi sebep bolǵan. Bul qazirgi zamanǵy fýtzal úlgisinde komandanyń shabýyldaǵy tıimdiligin tómendetedi dep esepteledi. Al ekinshi oıynshy Argentına quramasynyń burynǵy múshesi Kevın Arıettanyń ornyn basýy tıis.
Shırek fınaldaǵy qarsylas – «Kartahena»
Esterińizge sala keteıik, «Qaırat» Chempıondar lıgasynyń shırek fınalyna 5 jeltoqsanda Almatyda ótken matchta belgııalyq «Sportıng-Anderlehtti» 5:3 esebimen jeńip joldama alǵan bolatyn. Endi 1/4 fınalda otandyq klýb Ispanııanyń «Kartahena» komandasymen kezdesedi. Byltyrǵy maýsymda almatylyqtar bul ujymdy jartylaı fınalda 3:2 esebimen qapy qaldyrǵan edi.
Týrnır kestesi
Eýrokýbok dodasynyń shırek fınaldyq alǵashqy oıyndary 2025 jyldyń 23 aqpanynda, al qarymta kezdesýler 6 naýryzda ótedi. Bul kezeńnen ótken komandalar 8 jáne 10 mamyr kúnderi Italııanyń Pezaro qalasynda ótetin fınaldyq kezeńde baq synaıdy.
