Foto: istockphoto.com
Astana ákimi Jeńis Qasymbek qalanyń jol-kólik júıesin damytýdyń jańa josparyn jarııalady. Ákimniń aıtýynsha, bıyldyń ózinde 14 shaqyrym jańa jol salynyp, 60 shaqyrym kóshe jóndelgen. Atap aıtqanda, 8 jolaqty Aıtmatov kóshesiniń ashylýy Turan dańǵylyndaǵy keptelisti 12%-ǵa azaıtýǵa múmkindik berdi.
Alaıda, eń aýqymdy jańalyq – Qabanbaı batyr dańǵylynan Respýblıka dańǵyly arqyly Bógenbaı batyr kóshesine deıin sozylatyn eki deńgeıli jyldam tranzıttik joldyń qurylysy.
Jobanyń negizgi artyqshylyqtary:
- Uzyndyǵy: 12,4 shaqyrymdy quraıdy.
- Nátıjesi: Keptelisterdi 30-40%-ǵa deıin tómendetedi.
- Álemdik standart: Mundaı jobalar Seýl, Tokıo, Pekın jáne Parıj sııaqty álemdik megapolısterde sátti júzege asqan.
- Qurylys oń jaǵalaýdyń tarıhı kelbetin saqtaı otyryp júrgiziledi.
Budan bólek, kólik ınfraqurylymyn jaqsartý maqsatynda qaladaǵy barlyq turaqtar ótken aptada qalanyń kommýnaldyq menshigine tegin qaıtaryldy.
Buǵan deıin qala ákimi LRT-nyń synaq merzimi aıaqtalýǵa jaqyn ekenin jáne onyń jospardan erte ashylýy múmkin ekenin aıtqan edi.
