Foto: «Astana Parking Space» JShS
Jeńis Qasymbektiń aıtýynsha, ótken aptada avtoturaq oryndaryn qala menshigine óteýsiz ótkizý týraly kelisimge qol qoıylǵan.
«Osy aptadan bastap qaladaǵy avtoturaqtyń bári tek kommýnaldyq qyzmetterdiń qaramaǵynda bolady jáne jeke menshikke jatpaıdy», dedi Astana qalasynyń ákimi.
Osyǵan baılanysty qaladaǵy avtoturaqtardyń qoldanystaǵy tarıfteri qaıta qaralady. Mınýtyna tólem alý tártibi engizilmeıdi. Jol ýchaskesine qaraı kólikti 15–60 mınýttyq tegin qoıý júıesi qarastyrylǵan. Al jol qozǵalysy tyǵyz júretin ortalyq kóshelerde avtoturaqtar aqyly bolady. Al áleýmettik mańyzy bar nysandardyń mańyndaǵy avtoturaqtardy tolyqtaı tegin etý josparlanǵan.
Aıta keteıik, 2027 jyly Astanada alǵash ret eki deńgeıli alyp avtomagıstral qurylysy bastalady. Bul joba qala joldaryndaǵy júktemeni aıtarlyqtaı jeńildetedi.
Sonaı-aq Jeńis Qasymbek LRT-nyń resmı iske qosylýyna sanaýly kúnder qalǵanyn da atap ótti.
