Osy maqsatta О́nerkásip jáne qurylys mınıstrligi, Qarjy mınıstrligi jáne Atameken Ulttyq kásipkerler palatasy ındýstrııalyq sertıfıkat ıelerin qazaqstandyq taýar óndirýshiler tizilimine engizý jónindegi Jol kartasyna qol qoıdy.
Qoldanystaǵy ındýstrııalyq sertıfıkaty bar kásiporyndar Atameken UKP usynǵan derekter negizinde tehnıkalyq operator – Elektrondyq qarjy ortalyǵy arqyly avtomatty túrde tizilimge engiziledi.
Alaıda kompanııalar óz mártebesin saqtaý úshin 2026 jylǵy 30 qańtarǵa deıin júıede qajetti málimetterdi toltyryp, ótinim tapsyrýy jáne sıfrlyq tekserýden ótýi tıis. Bul talaptar oryndalmasa, kásiporyn tizilimnen shyǵarylady.
Mártebeni saqtaýdyń basty sharty – naqty óndiristik qyzmettiń dáleldenýi. Sonymen birge ındýstrııalyq sertıfıkaty joq ózge kompanııalar da ótinim berip, qajetti tehnologııalyq operasııalardyń oryndalýyn rastaı alsa, tizilimge ený múmkindigine ıe.
Jańa tártip otandyq óndirýshini anyqtaýda ashyqtyqty kúsheıtip, memlekettik qoldaý tetikterin naqty óndiris sýbektilerine baǵyttaýǵa múmkindik beredi.
