Joba Avstralııadaǵy Minderoo Foundation qaıyrymdylyq qory ázirlegen Thrive by Five baǵdarlamasy negizinde, QR Oqý-aǵartý mınıstrliginiń, Balalardyń erte damýy ınstıtýtynyń, sondaı-aq bilim berý saıasaty salasyndaǵy sarapshylardyń qatysýymen júzege asyryldy. Jobanyń úılestirýshisi – Ahmet Baıtursynuly atyndaǵy «Taldaý» ulttyq zertteýler jáne bilimdi baǵalaý ortalyǵy.
«Beske deıin úlger» (Thrive by Five Kazakhstan) jobasynyń jetekshisi Erlan Ýteýlınniń aıtýynsha, bul resýrstyń biregeıligi – erte jastaǵy balalardyń damýyna arnalǵan ǵylymı negizdelgen tájirıbeler platformasynyń Qazaqstannyń mádenı jáne ulttyq qundylyqtaryn tolyq eskere otyryp beıimdelýinde.
«Joba aıasynda platforma ázirlendi. Onda 10 baǵyt boıynsha 120-dan astam praktıkalyq keńes pen is-áreket qamtylǵan. Qolaılylyq úshin materıaldar balalardyń jas erekshelikterine qaraı toptastyrylǵan. Barlyq materıaldar qazaq, orys jáne aǵylshyn tilderinde qoljetimdi», dep atap ótti Erlan Ýteýlın.
Zertteý eldiń 6 óńirin qamtyp, 1200-den astam ata-anany jáne mektepke deıingi uıymdardyń pedagogterin qamtydy. Zertteý nátıjelerine sáıkes, ata-analardyń 76%-dan astamy resýrsty paıdalanýǵa qanaǵattanǵanyn atap ótse, qatysýshylardyń 80%-dan astamy bul resýrs bala damýy men qarym-qatynasynda jańa tásilderdi meńgerýge jáne qoldanýǵa kómekteskenin habarlaǵan.
Eń aıqyn oń ózgerister qazaq tilinde sóıleıtin otbasylarda baıqaldy, bul rette zertteýshiler erte damý boıynsha sapaly resýrstardyń qazaq tilinde qoljetimdiligin arttyrýdyń mańyzdylyǵyn atap ótedi.
Mektepke deıingi jastaǵy balalardyń ata-analaryn ádistemelik qoldaýdyń áleýeti «Taldaý» ortalyǵy júrgizgen ata-analarǵa arnalǵan konsýltasııalyq pýnktterdiń qyzmeti týraly zertteýde de kórsetilgen.
Zertteý nátıjeleri sıfrlyq sheshimderdiń erte jastaǵy balalardy damytý salasyndaǵy memlekettik saıasatty tıimdi tolyqtyra alatynyn, áleýmettik osal toptardy qosa alǵanda, otbasylardy keńirek qamtýǵa jáne balalardyń eń erte kezeńnen bastap damýy úshin teń múmkindikter qalyptastyrýǵa yqpal etetinin kórsetedi.
«Beske deıin úlger» jobasynyń sıfrlyq platformasy jáne onyń praktıkalyq sabaqtary týraly tolyǵyraq https://www.thrivebyfive.kz saıtynan tanysýǵa bolady.
