Sarapshy eń baı adamdardyń reıtıngin mysalǵa keltiredi. Ol tizimde eshkimniń jalaqysy nemese aılyq kirisi eseptelmeıdi. Negizgi ólshem – kapıtal. Iаǵnı, aktıvter. Sebebi aktıvtiń ózi qundy ári árqashan aqsha ákeledi.
«Ár ortada basty aktıv ártúrli. Kompanııa úshin eń qymbat aktıv adamdar, ıaǵnı qyzmetkerler. Sebebi kompanııany alǵa súıreıtin de, qundylyq jasaıtyn da solar. Qyzmetker úshin negizgi aktıv bilim men biliktilik. Al kásipker úshin eń basty aktıv klıentter. Biraq klıent kóp bolýy shart emes, eń mańyzdysy maqsatty jáne turaqty klıentter», deıdi sarapshy.
Investor qarapaıym mysal keltiredi. Kásipker taýar nemese qyzmet satyp, 1 mln teńge tapty delik. Eń úlken qatelik sol aqshany alyp, ózine qajetsiz zatqa jumsaý bolady deıdi ol. Aqyldy kásipker bul aqshanyń bir bóligin óz aktıvine qaıta salady. Sebebi aktıv ósken saıyn onyń quny da, ákeletin tabysy da artady. Eger kásipker taýar nemese qyzmet satýmen aınalyssa, ol eń aldymen jarnamaǵa ınvestısııa salýy kerek. Klıent sany artsa, jańa satylym paıda bolady. Al jańa satylym tabystyń ósýine ákeledi. Osy tizbek úzilmese ǵana bıznes damıdy.
«Tabys tabý baqýatty bolýǵa jetkiliksiz. Sebebi tabys óte turaqsyz. Bir aı bar, bir aı joq. Sol sebepti baılyqtyń formýlasy basqa. О́te qarapaıym. Ol – aqsha tabý, ony saqtaý ári kóbeıtý. Osy úsheýi qatar jumys istemese, nátıje bolmaıdy», deıdi A. Álimbaev.
