Soltústik Koreıa lıderi áskerdi soǵysqa ázirlenýge shaqyrdy

ASTANA. 23 aqpan. Soltústik Koreıanyń bıleýshi Eńbek partııasynyń ortalyq áskerı komıssııasy aldynda sóılegen sózinde eldiń lıderi Kım Chen Yn áskerı qyzmetkerlerdi soǵysýǵa ázir bolyp, tolyq daıyndyq sapynda turýǵa shaqyrdy. Bul týraly Koreıanyń «Renhap» agenttigine silteme jasaǵan «Gazeta.Rý» habarlady. Kım Chen Yn óziniń sózinde jaýyngerlik daıyndyq deńgeıin kótere túsý múddesi úshin Koreı halyq armııasy qurylymyn jańǵyrtý kerek ekenin atap ótti. Ol «Amerıka ımperıalızmine» qarsy kúres tásilderine keńinen toqtaldy. Ol sońǵy jyldary jaǵdaıdyń tek KHDR-da ǵana emes, álemde túgel kúrdelenip ketkenin aýyzǵa aldy. Soltústik Koreıa basshysy eger Ońtústik Koreıa AQSh-tyń Phenıanǵa qarsy «basqynshylyq soǵysyna» qosylyp ketetin bolsa, ony «baqytsyz bolashaq» kútip turǵanyn aıtyp qorqytty. Habarlamada KHDR lıderiniń sońǵy 10 jylda birinshi ret partııa áskerı komıssııasynyń keńeıtilgen otyrysyna qatysqany atap ótiledi.