Sýret JI kómegimen jasaldy
Mańǵystaý oblysynyń ekologtary 15-22 jeltoqsan aralyǵynda Aqtaý qalasynda, óndiristik aımaqtarda jáne qala syrtyndaǵy eldi mekenderde aýanyń sapasyn jospardan tys teksergen.
Tekserý kezinde 19 jáne 20 jeltoqsan kúnderi Caspi Bitum zaýytyna jaqyn aýmaqta aýadan kómirtek dısýlfıdi degen hımııalyq zattyń mólsheri ruqsat etilgen deńgeıden asyp ketkeni tirkelgen. Dál osy zat ótkir, jaǵymsyz ıispen erekshelenedi. Al basqa kúnderi aýa quramynda aıtarlyqtaı ózgeris bolmaǵan.
Ekologııa departamenti bul jaǵdaıǵa baılanysty zaýyt jónindegi materıaldardy prokýratýraǵa joldaıtynyn habarlady. Aldaǵy ýaqytta qandaı shara qabyldanatyny qosymsha aıtylady.
Mamandardyń aıtýynsha, kómirtek dısýlfıdi kóp mólsherde tynys alýǵa zııan, bas aýrýy men jaısyzdyq týdyrýy múmkin. Sondyqtan mundaı jaǵdaılar qatań baqylaýda bolady.
