Foto: freepik.com
Fransýzdar jańa jyl qarsańynda syılyqtaryn kútip júrgende, hakerler La Poste júıesine «soqqy» jasady. Qazirgi ýaqytta kompanııanyń resmı saıty jumys istemeı tur, al sálemdemelerdi onlaın qadaǵalaý múmkin emes.
Rojdestvo túninde (24-nen 25-ne qaraǵan túni) bolǵan bul shabýyl poshta bólimshelerinde úlken kezekter men narazylyqtar týdyrdy. Qyzmetkerler árbir tutynýshyǵa jaǵdaıdy túsindirip, jurtty sabyrǵa shaqyrýmen álek.
Kıbershabýyl tek poshtamen shektelmeı, kompanııanyń banktik júıesin de jetti. Klıentter mobıldi qosymshaǵa kire almaı, tólemderin eski ádispen − SMS-rastaý arqyly ǵana jasap jatyr. Degenmen, La Poste basshylyǵy halyqty tynyshtandyryp, «jeke derekter urlanǵan joq» dep sendirdi.
Aıta keterligi, jelidegi alǵashqy aqaýlar 20 jeltoqsanda-aq baıqalǵan. Mamandar bul erte bastalǵan «barlaý» ma álde kezdeısoq sáıkestik pe degen suraqtyń basyn ashyp jatyr.
