Jergilikti ónimderdiń qoljetimdiligin arttyrý maqsatynda syıymdylyǵy 4 myń tonna bolatyn zamanaýı kókónis saqtaý qoımasy salynyp jatyr. Ákimniń aıtýynsha, óńirdiń tabıǵı erekshelikterine saı Mańǵystaýda túıe sharýashylyǵy, balyq kásibi jáne týrızm baǵyttary qarqyndy damyp keledi. Búginde Mańǵystaý oblysynda 95 myńǵa jýyq túıe tirkelgen. Túıe sútin tereń óńdep, eksportqa shyǵarý baǵytynda úsh iri joba jumys istep tur. Al bıyl túıe sútin avtomattandyrylǵan ádispen saýatyn seh ashyldy.
Jalpy óńirde agroónerkásiptik keshendi damytý boıynsha 2025-2027 jyldary 23,6 mıllıard teńgeniń 15 ınvestısııalyq jobasy iske asyrylady. Bul ishki naryqty tabıǵı ári jergilikti ónimdermen qamtamasyz etýge jol ashady. Sonymen qatar, veterınarııalyq júıeni jańǵyrtý aıasynda 43 veterınarııalyq pýnkt pen 1 stansııa paıdalanýǵa beriledi.
