Qostanaıda «Maslenısa» merekelendi

QOSTANAI. 23 aqpan. Qostanaıda «Maslenısa» halyqtyq merekesi toılandy. Ortalyq alańǵa qysty shyǵaryp salyp, kóktem nyshanyn kórýge júzdegen qostanaılyqtar jınaldy. Bul týraly kostnews.kz habarlady. Maslenısa – qys qaharynyń azaıyp, kóktem shýaǵy biline bastaǵanyna adamdar qýanyshyn bildiretin ejelgi halyqtyq mereke. Bul merekeniń ejelden tereń fılosofııalyq máni bar. О́mir adamǵa kúrespen keletinin bildiredi. Mereke qaharly qysty qymtyrylyp ótkizgen soń, aıazdyń synyp, kúnniń kóterilip, shýaǵyn molaıta bastaǵanyna qýanǵan adamdar kóńil-kúıin bildiredi. «Maslenısa» merekesinde halyqtyq dástúrler, halyqtyń bolmysy kórinedi. Dámdi de, maıly quımaq merekeniń basty belgisi, qystyń ketkenin qýyrshaq-tulyp órteýmen sıpattaıdy. Al hrıstıan dini ustanýshylar úshin quımaqqa toıatyn aptadan keıin úlken post bastalady. «Maslenısa» merekesinde arqan tartý, gir kóterý, sypyrǵy urý, jalmaýyz kempirdi súıý, taǵa ólsheý sekildi túrli halyqtyq oıyndar oınaldy. Úlken-kishi quımaqqa toıyp, oıyn oınap, aıazdy qysty dýyldatyp shyǵaryp saldy. Názıra Járimbetova. Derek, sýret: kostnews.kz.