Issapar Ahmet Iаsaýı ýnıversıteti, Ǵylym ordasy, Astana IT University jáne Garvard ýnıversıtetiniń konsorsıýmdyq kelisimi negizinde júzege asyp otyr. Qazaqstandyq delegasııa quramyna Ahmet Iаsaýı ýnıversıteti Ǵylym departamentiniń dırektory, PhD Haırýlla Masadıkov, Nazarbayev University Áleýmettaný jáne antropologııa kafedrasynyń professory, PhD Ulan Bıǵojın kirdi.
Negizgi maqsat – Qazaqstannyń tarıhı qoljazbalaryn reestrleý, ǵylymı katalogtaý jáne sıfrlandyrý boıynsha álemdik tájirıbeni zerdeleý, sondaı-aq Garvard ýnıversıtetiniń jáne Devıs ortalyǵy ǵalymdarymen tyǵyz baılanys ornatý, jetekshi sarapshylarmen pikir almasý jáne ǵylymı máselelerdi talqylaý, ortaq ǵylymı is-sharalar uıymdastyrý máselesine toqtalý.
Ǵalymdar Garvardtyń Devıs ortalyǵy men Hoýton, Vaıdener kitaphanalarynyń mamandarymen kezdesip, sırek qoljazbalar qorymen, katalogtaý jáne sıfrlandyrýdyń zamanaýı tásilderimen tanysty. HOLLIS júıesi arqyly Ortalyq Azııaǵa qatysty ıslam derekkózderiniń bazasymen jumys júrgizdi. Kezdesýler barysynda birlesken semınarlar, vorkshoptar, ǵylymı jobalar jáne shaǵataı tilin oqytý baǵytynda jańa seriktestik, Qazaqstanǵa Garvard ǵalymdarynyń saparyn uıymdastyrý múmkindikteri qaraldy.
Sonymen qatar Garvard ǵalymdary ǵylymı joba aıasynda shaǵataı tiliniń onlaın sózdigin ázirleý týraly bastama usyndy. Bul halyqaralyq deńgeıdegi biregeı ǵylymı ónim bolmaq. Issapar Qazaqstan ǵalymdaryna sırek qoljazbalarmen jumys isteýdiń zamanaýı ádisterin meńgerýge, halyqaralyq ǵylymı jelini keńeıtýge, joba nátıjelerin jańa deńgeıde iske asyrýǵa múmkindik beredi.
