«Dostyq-2025» baıqaýy azamattyq qoǵamdy jańǵyrtý, ulttyq qundylyqtardy dáripteý, sondaı-aq Qazaqstan halqy Assambleıasynyń 30 jyldyǵyn qorytyndylaý maqsatynda uıymdastyryldy.
«Yntymaqty elge baq qonar» degen ataly sóz bar. El birligi – eldigimizdiń arqaýy, táýelsizdik tiregi. Memleket basshysy Qasym-Jomart Kemeluly Toqaev: «Birligimiz – eń basty baılyǵymyz» dep atap ótkendeı, eldik múdde jolynda birlesip eńbek etý – barshamyzdyń basty mindetimiz. Bul ustanym jýyrda Prezıdenttiń Jarlyǵymen bekitilgen ishki saıasat jónindegi strategııalyq qujattarda da jalǵasyn tapqan. «Qazaqstan Respýblıkasynyń ishki saıasatynyń negizgi qaǵıdattary, qundylyqtary men baǵytta-ry» týraly Jarlyqta «Birlik pen yntymaq – qoǵamdaǵy turaqtylyq pen úılesimdiliktiń tuǵyry sanalatyn qundylyqtar» dep naqty aıqyndaldy. Adal eńbek, rııasyz kóńildiń arqasynda sizder tatýlyq pen kelisimniń jarqyn úlgisin kórsetip kelesizder. Sonyń dáleli – búgingi «Dostyq» baıqaýy. Bul – óńirimizdegi etnos ókilderiniń mádenıeti men dástúrin qurmettep, yntymaq-birligimizdi nyǵaıtýǵa baǵyttalǵan mańyzdy shara. Abaı oblysynda ǵana ótkiziletin mańyzdy alań desek bolady. Qashanda belsendi azamattyq ustanym, el tynyshtyǵy men ult tutastyǵyn kóksegen sizderdiń eńbekterińiz orasan zor!» dedi oblys ákimi, Abaı oblysyndaǵy Qazaqstan halqy Assambleıasynyń tóraǵasy Berik Ýálı,
Jıynda «Dostyq-2025» baıqaýynyń jeńimpazdary «Rýhanı birlik pen jalpyulttyq kelisimdi damytýǵa qosqan úlesi úshin», «Azamattyq qoǵamdy damytýǵa qosqan úlesi úshin», «Qoǵamdaǵy tatýlyq pen ózara qurmetti nyǵaıtýǵa qosqan úlesi úshin», «Mádenı mura men dástúrdi saqtaýǵa qosqan úlesi úshin», «Rýhanı kelisim men urpaq sabaqtastyǵynyń úlgisi» atalymdary boıynsha marapattaldy. Sonymen qatar birqatar etnomádenı birlestikter men qoǵamdyq uıym ókilderine Qazaqstan halqy Assambleıasynyń jáne oblys ákiminiń Alǵyshattary tabystaldy.
Kesh sońynda Ámire Qashaýbaev atyndaǵy memlekettik fılarmonııanyń konserttik baǵdarlamasy kórermen nazaryna usynyldy.
Abaı oblysy
