Foto:depositphotos.com
Alaıaqtar azamattardy aldap-soǵýda jábirlenýshiniń telefonyna «1414» qysqa nómirinen habarlama jiberý ádisin jıi paıdalanady.
Olar memlekettik organdar, bank pen polısııa nemese Ulttyq qaýipsizdik komıtetiniń qyzmetin usynyp, telefonǵa jiberilgen kodty suraıdy.
Endi azamattarǵa 1414 arqyly SMS-kod jiberilmeıdi
Kıberalaıaqtyq faktileri beıne baılanysty talap etetin jaǵdaılar da tirkelgen. Sondyqtan memlekettik organdar endi «1414» habarlamasyn paıdalanatyn júıelerge tek bıometrııalyq aýtentıfıkasııany (FaceID), elektrondyq sıfrlyq qoltańbany (ESQ) nemese QR-kodty (eGov QR) qoldanýdy tapsyrdy.
Osy jyldyń jeltoqsan aıynan bastap atalǵan talaptardy engizbegen júıeler «1414» SMS-shlıýzinen ajyratylǵan.
Kıberalaıaqtar Fransııa poshtasyn buǵattap tastady
Qabyldanǵan sharalar negizinde Bas prokýratýra memlekettik organdar men bankter eshqashan SMS-ten bir rettik kodtardy, karta derekterin nemese parolderdi suramaıtynyn eske salyp otyr. Sondaı-aq aqsha aýdarýǵa arnalǵan eshqandaı «qaýipsiz shottyń» joq ekenin, kúdik týdyratyn qońyraýlar kezinde úshinshi tulǵalarǵa jeke derekterdi bermeý kerek ekenin eskertti.
Al alaıaqtardyń áreketine baılanysty kúmándi jaǵdaı týsa dereý bankke nemese ýákiletti memlekettik organdarǵa habarlasý qajet.
