Foto: Depositphotos
Mınıstrdiń aıtýynsha, buryn qoldanysta bolǵan talaptar qazirgi zamanǵy standarttarǵa sáıkes kelmeıdi. Osyǵan baılanysty jańa erejeler jobasy qazirgi ýaqytta Parlament Májilisinde qaralýda.
«Jańartylǵan júıe qonaq úı qyzmetteriniń sapasyn arttyrýǵa, kelýshilerdiń qanaǵattaný deńgeıin joǵarylatýǵa jáne Qazaqstannyń týrıstik baǵyt retindegi tartymdylyǵyn kúsheıtýge múmkindik beredi», dedi Erbol Myrzabosynov.
Sondaı-aq mınıstr 2025 jyly Almaty qalasy CNN Travel nusqasy boıynsha jyldyń úzdik týrıstik baǵyttarynyń qataryna qosylǵanyn, al Qazaqstannyń Lonely Planet basylymynyń Best in Travel 2025 reıtıngine engizilgenin atap ótti.
Budan bólek, Almaty Bloomberg baspasynyń nusqasy boıynsha 2026 jyldyń eń úzdik 25 týrıstik lokasııasynyń biri retinde tanyldy. Amazon Prime, M6 jáne CCTV4 telearnalarymen birlesip júzege asyrylǵan medıa-jobalar halyqaralyq deńgeıde mıllıondaǵan aýdıtorııany qamtyp, eldiń týrıstik áleýetiniń tanymaldylyǵyn arttyrýǵa yqpal etti.
Sonymen qatar 2025 jyly elimizdegi 8 negizgi kýrorttyq aımaqqa ınventarızasııa júrgizildi. Mınıstr Erbol Myrzabosynov atalǵan jumystardyń nátıjesinde 2025-2028 jyldarǵa arnalǵan kýrorttyq aımaqtardy damytý jónindegi Jol kartasynyń jobasy ázirlengenin atap ótti.
Sondaı-aq bıyl kýrorttyq ınfraqurylymdy júıeli jańǵyrtýdy, qaýipsizdik deńgeıin arttyrýdy, logıstıkany jáne týrıstik servısterdi damytýdy kózdeıtin Shýche-Býrabaı kýrorttyq aımaǵyn damytýdyń, sondaı-aq 2025-2029 jyldarǵa arnalǵan «Mańǵystaý» týrıstik aımaǵyn damytýdyń keshendi jospary bekitildi.
