Foto: IIM
Tergeý málimetinshe, kúdikti ózin qarapaıym satyp alýshy retinde kórsetip, saýda ortalyqtarynyń birindegi dúkennen parfıýmerııa ónimderin urlaǵan. Ol sórelerden eki-ekiden ıissý flakondaryn alyp, qaltalaryna jasyryp, taýarlarǵa erkin qoljetimdilikti paıdalana otyryp, dúkennen esh kedergisiz shyǵyp ketken.
Keltirilgen materıaldyq shyǵynnyń jalpy somasy shamamen 300 myń teńgeni quraǵan. Keıin urlanǵan taýarlardy kúdikti satyp jibergeni anyqtaldy.
Polısııanyń habarlaýynsha, kúdiktiniń jeke basy beınebaqylaý kameralarynyń kómegimen anyqtalyp, sol aýdan aýmaǵynda ustalǵan. Sonymen qatar atalǵan azamattyń taǵy úsh uqsas urlyq deregine qatysy bolýy múmkin ekeni tirkelgen. Atalǵan epızodtar boıynsha tekserý júrgizilip, tıisti tergeý amaldary atqarylyp jatyr.
