TJM
Tótenshe jaǵdaılar mınıstrliginiń málimetinshe, habar túsken sátten bastap «Myńjylqy» bógeti aýdanynda jedel shtab qurylyp, izdestirý jumystaryna Almaty tótenshe jaǵdaılar departamenti bólimsheleri, qutqarý qyzmetteri, polısııa, Alpınızm federasııasy men eriktiler jumyldyrylǵan. Sondaı-aq operasııaǵa «Qazáýequtqarý» tikushaǵy tartyldy.
– Qutqarýshylar drondar, metall izdegishter, izdeý zondtary men arnaıy quraldardy qoldanǵan. Qolaısyz aýa raıyna baılanysty marqumdardyń deneci jaıaý «Medeý» qutqarý beketine jetkizilip, keıin polısııa qyzmetkerlerine tapsyryldy. Sot-medısınalyq saraptama taǵaıyndalyp, qaza bolǵandardyń týystaryna psıhologııalyq kómek kórsetilip jatyr, - delingen habarlamada.
Jalpy izdestirý-qutqarý jumystaryna shamamen 80 adam, 12 tehnıka birligi, 4 kınologııalyq eseptop jáne 4 ushqyshsyz ushý apparaty qatysty.
