«Kúrti – Qonaev» avtojoly jańartyldy

Mamandardyń pi­ki­rinshe, bul sheshim joldyń ótkizý qa­biletin, joldaǵy qaýipsizdikti edáýir arttyryp, júrý ýaqytyn qysqartady. Sondaı-aq eli­miz­diń eń iri aglomerasııasyn or­talyq óńirlermen tıimdi baı­lanystyrýǵa múmkindik beredi. Joba Eýropalyq qaıta qurý jáne damý bankiniń qarajaty esebinen qarjylandyryldy.

Qaıta jańǵyrtý para­metr­lerine sáıkes, tehnıkalyq talaptardy saqtaı otyryp, tórt jolaqty qozǵa­lys uıymdas­tyryldy. Joba sheń­be­rinde tórt kópir qurylysy, bir kólik aıryǵy, aıryq quramyndaǵy bir jol ótkeli, bes burylys alańy, 61 sý ótkizý qubyry salyndy. Nysan qurylysyna 305 maman, 104 birlik qurylys tehnıkasy jumyldyryldy.

Joba tek jol jelisin jer­gilikti deńgeıde jaqsartýdy ǵana emes, eldiń negizgi kólik dálizderin damytýǵa baǵyttalǵan júıeli jumystyń bir bóligi retinde qarastyrylady. Salalyq operatorlar men óńirlik bılik or­gandarynyń úılestirilgen is-qımyly ınfraqurylymdyq sheshimderdi ekonomıka, logıs­tıka aımaq turǵyndarynyń qa­jettilikterimen qatar ush­tastyrýǵa múmkindik berdi. Kúre­joldyń ashylý saltanatynda oblys ákimi Marat Sultanǵazıev bastamanyń mańyzyn atap ótti.

– Uzyndyǵy 67 shaqyrymdy quraıtyn «Kúrti – Qonaev» avtomobıl joly – Almaty oblysynyń kólik ın­fra­qu­rylymyn jańartý jó­nindegi júıeli jumystyń bir bóligi. Tek bıyldyń ózinde óńirde oblystyq mańyzy bar 178 km jol, kóshe-jol jelisiniń 473 shaqyrymy retke keltirildi. Sondaı-aq «QazAvtoJol» ulttyq kompanııasymen birlesken jumystyń nátıjesinde respýb­lıkalyq mańyzy bar 341 km avtojol jóndeýden ótti. Bul jobalar jol júrý ýaqytyn qysqartýǵa, qoz­­ǵalys qaýipsizdigin arttyrýǵa, bıznes pen oblys turǵyndaryna barynsha qolaıly jaǵdaı jasaýǵa múmkindik beredi, – dedi ákim.

Sonymen qatar ulttyq operator Almaty oblysyndaǵy respýb­lıkalyq mańyzy bar avtojoldarda osy jyly at­qarylǵan jóndeý jumystaryn qorytyndylady. О́ńirdegi respýblıkalyq jol je­li­si­niń jalpy uzyndyǵy 1734 sha­­qyrymdy quraıdy, onyń ishinde I sanattaǵy joldar – 683 km. Jeliniń quramynda (aqyly ýchaskelerdi qosa alǵanda) sement-beton jamylǵysy bar 327 km avtojol, 134 kópir men jol ótkeli, sondaı-aq jer tóseminiń turaqtylyǵy men sý burýdy qam­tamasyz etetin shamamen 2 200 sý ótkizý qubyry paıdalanylady.

– Biz «Ortalyq – Ońtústik» dáliziniń negizgi ýchaskelerin kezeń-kezeńimen qazirgi zaman talabyna saı deńgeıge jetkizip kelemiz. «Kúrti – Qonaev» baǵytynda tórt jolaqty qozǵalystyń ashylýy – kólik shyǵyndaryn tómendetip, logıstıkanyń boljamdylyǵyn arttyratyn, sapardy meılinshe qaýipsiz ári jaıly etetin naqty nátıje. Almaty oblysyna bul joba óte mańyzdy. О́ıtkeni bul jol jolaýshy, júk tasymaly aınalymynyń ósýine tikeleı yqpal etip, óńirdiń tranzıttik áleýetin kúsheıtedi, – dedi «QazAvtoJol» ulttyq kompanııasy» AQ basqarma tóraǵasy Darhan Imanashev.

Bıyl 341 km avtojol jón­delgen. Onyń 109 sha­qyrymyna qaıta jańǵyrtý jumysy júr­gizilse, 1 km jol kúrdeli jón­­deýden, 232 km jol ortasha jón­deýden ótken. Bul basym baǵyttarda ınfraqurylymdy keshendi jańartýǵa, jol je­lisiniń paıdalaný sıpattamalaryn jaqsartýǵa múmkindik be­redi. Qaıta jańǵyrtý aıasynda «Uzynaǵash – Otar» avtojolynyń 42 shaqyrymynda negizgi jumystar aıaqtalyp, kólik qozǵalysy ashyldy. «Almaty – Bishkek» av­tojolyndaǵy (25 km, shyǵys baǵyty) kúrdeli jóndeý jobasy boıynsha «taǵa» úlgisindegi kólik aıryǵynyń qurylysy jalǵasyp jatyr. Bıyl 54 burǵylap-quıý qadasyn qosa alǵanda tórt tirek, tórt rostverk, tirek qańqasy tur­ǵyzyldy. Joba 2026 jyly aıaqtalady.

Birqatar ýchaskede jobalaý-smetalyq qujattamany ázirleý jumysy jalǵasyp jatyr. Atap aıtqanda, «Almaty – Bishkek» jolynyń 19-27 shaqyrym ara­lyǵyn 4 jolaqtan 8 jolaqqa deıin keńeıtý, «Almaty – Talǵar – Báıdibek bı» baǵytynyń 13-21 shaqyrymdaryn 4 jolaqqa deıin ulǵaıtý, «Almaty – О́skemen» avtojolynyń 43 shaqyrymynda jerústi jaıaý júrginshi ótkelin salý, sondaı-aq «Aqsaı – Shonjy – Qaljat» (0-7 km), «Kókpek – Kegen – Túp» (53-68 km) ýchaskeleri jónindegi jobalardy túrli deń­geıdegi memlekettik saraptamadan ótkizý josparda bar.

Ortasha jóndeýden ótken «Almaty – Báıterek – Báıdibek bı» (14-43 km), «Almaty – Shamalǵan – Uzynaǵash» (20-23 km), «Almaty – Kókpek – Kóktal – Qorǵas» (187-230 km), sondaı-aq «Jalańash – Saty» (18-24 km) ýchaskeleri paıdalanýǵa berildi. О́tpeli nysandardyń birqatarynda jol negizderi men jamylǵynyń tómengi qabattaryna qatysty jumystar oryndaldy, ústińgi qabattardy tóseý aldaǵy jyldyń enshisinde.

Sondaı-aq «Almaty – Shelek – Qorǵas» aqyly avtojolynda osy jyly joldaǵy aqaýlardy joıý jumysy keshendi júzege asty. Kópir qurylystarynda 101 myń sharshy metr alańda jabyn aýystyrylyp, jaryqtandyrý júıesin qalpyna keltirý jumystary júrgizilip jatyr.

«QazAvtoJol» ulttyq kompanııasy» AQ aldaǵy jyly Almaty oblysynda jol jobalaryn júzege asyrýdy odan ári jalǵastyrady. Onyń ishinde ótpeli ýchaskelerdi aıaqtaý, qozǵalys qaýipsizdigin, ótkizý qabiletin, jaılylyqty arttyrýǵa baǵyttalǵan ınfra­qurylymdy odan ári damytý kózdelgen.

Almaty oblysy