Aýa raıy • 30 Jeltoqsan, 2025

Jańbyr men kóktaıǵaq: Astanada kommýnaldyq qyzmetter kúsheıtilgen jumys rejımine kóshti

20 ret

kórsetildi

1 mın

oqý úshin

Astanada 30 jeltoqsan kúni túngi ýaqytta jaýyn-shashyn jaýyp, arty kóktaıǵaqqa aınaldy. Aýa raıynyń qolaısyzdyǵyna baılanysty elordanyń kommýnaldyq qyzmetteri kúsheıtilgen rejımge kóshti, dep habarlaıdy Egemen.kz elorda ákimdiginiń baspasóz qyzmetine silteme jasap.

Aıana TOǴANBEK

Jańbyr men kóktaıǵaq: Astanada kommýnaldyq qyzmetter kúsheıtilgen jumys rejımine kóshti

Elorda ákimdiginiń resmı saıtynyń jazýynsha jol qozǵalysynyń qaýipsizdigin qamtamasyz etý maqsatynda joldardyń júrý bóligi, trotýarlar men jaıaý júrginshiler aımaqtary kóktaıǵaqqa qarsy materıaldarmen óńdelip, jumystar táýlik boıy júrgizilip jatyr.

Qala turǵyndary men qonaqtaryna saqtyq sharalaryn saqtaý usynylady: kóshede qozǵalǵan kezde, ásirese joldan ótý barysynda muqııat bolý, taımaıtyn tabany bar aıaq kıim kııý jáne múmkindiginshe alys jolǵa shyqpaý qajet.

Júrgizýshilerge kóriný deńgeıiniń tómendeýin jáne joldyń taıǵaq bolýyn eskerip, jyldamdyq rejımin jáne araqashyqtyqty saqtaý, sondaı-aq kóliktiń tehnıkalyq jaǵdaıyn jáne shınalardyń aýa raıyna sáıkestigin tekserý eskertiledi.

Tótenshe jaǵdaılar týyndaǵan jaǵdaıda 112 nómiri arqyly jedel qyzmetterge habarlasý qajet.