Resmı málimetke súıensek, oqý-jattyǵý zymyranmen qarýlanǵan bólimderdiń qanshalyqty daıyn ekenin tekserý úshin ótkizilgen.
Ushyrylǵan qanatty zymyrandar aldyn ala belgilengen baǵytpen ushyp, kózdelgen nysanaǵa dál tıgen. Jattyǵý qorytyndysyn shyǵarǵan Kım Chen Yn áskerdiń jaýyngerlik daıyndyǵy men qarý júıeleriniń senimdiligi is júzinde dáleldengenin aıtty. Onyń pikirinshe, bul synaqtar el qaýipsizdigine tónýi múmkin túrli qaýip-qater jaǵdaıynda armııanyń áreket etýge tolyq daıyn ekenin kórsetedi.
Memlekettik agenttik habarlaǵandaı, bul oqý-jattyǵý Soltústik Koreıanyń áskerı áleýetin saqtaýǵa jáne qarýly kúshterdiń daıyndyq deńgeıin kóterýge baǵyttalǵan sharalardyń bir bóligi retinde ótken.
Buǵan deıin Kım Chen Yn alǵashqy atomdyq súńgýir qaıyqtaryn tanystyrǵan edi. Al odan ilgerirek te Soltústik Koreıanyń ıadrolyq qarýdan nege bas tartpaı otyrǵanyn tarazylap edik.
