Barlyq negizgi normalar Bala quqyqtary jónindegi ýákilmen jáne depýtattyq korpýspen birlesip ázirlendi.
Zań aıasyndaǵy mańyzdy jańashyldyqtyń biri – elimizde zorlyq-zombylyqtan zardap shekken balalarǵa kómek kórsetý kabınetteriniń ashylýy. Munda kámeletke tolmaǵandarǵa «bir tereze» qaǵıdatymen keshendi qoldaý kórsetiledi.
Balaǵa qolaıly jaǵdaıda alǵashqy psıhologııalyq kómek , sot-medısınalyq saraptama júrgizý, beıindi mamandardyń qatysýymen saýalnama alý sııaqty keshendi sharalar qarastyrylǵan. Bul balanyń kóptegen uıymdarǵa barý qajettiligin joıyp, onyń psıhologııalyq turǵydan qaıta jaraqat alýyna jol bermeıdi.
Sonymen birge bilim berý uıymdarynda «basa nazar aýdarýdy qajet etetin kámeletke tolmaǵandardy pedagogıkalyq súıemeldeý» ınstıtýty engiziledi. Bul shara quqyq buzýshylyqtardyń ýaqytyly aldyn alýǵa jáne balalarǵa der kezinde kómek kórsetýge arnalǵan.
Sondaı-aq Zańda balalardyń quqyqtary men zańdy múddelerin qorǵaýdyń biryńǵaı vertıkalin qurý úshin óńirlik Balalardyń quqyqtaryn qorǵaý basqarmalaryn ashý kózdelgen. Jańa qurylymdar úılestirý jumystaryna, aldyn alý sharalaryna, jedel qorǵaýǵa jáne «táýekel tobyndaǵy» balalarǵa kómek kórsetýge jaýapty bolady.
Jańa normalardy iske asyrý maqsatynda tıisti qaǵıdalar bekitiledi.
