Foto: ashyq derekkóz
«Astana» – belgili bir tarıhy bar, elimizdiń bedelin halyqaralyq deńgeıde tanytqan klýb. Ol buǵan deıin bıikterdi baǵyndyryp, únemi «Sport qory» biryńǵaı operatory arqyly qarjylandyrylyp keldi. Bıyl biz bul klýbty kommersııalandyrýdy josparlap otyrmyz. Klýbtyń tarıhy men halyqaralyq moıyndalýy bar ekenin eskersek, ınvestor tabý máselesinde qıyndyq bolmaıdy dep oılaımyn. Qazirgi ýaqytta bul másele pysyqtalyp jatyr. Jańa jyldan keıin qaı ınvestor klýbty satyp alatyny jóninde naqtyraq aqparat beremiz», dedi mınıstr.
Erbol Myrzabosynov ınvestorlar bar ekenin, alaıda rásimder tolyq aıaqtalǵanǵa deıin olardyń atyn ataı almaıtynyn aıtty.
«Investor bar. Sondaı-aq sizder biletindeı, bes klýb kommersııalandyryldy. Taǵy bes klýb boıynsha belsendi jumys júrgizilip jatyr. Qalǵan jeti klýbqa qatysty olardy qamtamasyz ete alatyn ınvestorlardy izdeý jalǵasýda», dep túsindirdi ol.
«Astana» klýbyn jekeshelendirýmen qaı memlekettik organ aınalysyp jatqany jónindegi suraqqa mınıstr bul jumystyń Federasııamen birlesip atqarylyp jatqanyn atap ótti.
«Biz bul jumysty Fýtbol federasııasymen, Týrızm jáne sport mınıstrligimen jáne «Sport qory» uıymymen birlesip júrgizip kelemiz. Astana qalasynyń ákimdiginiń bul iske qatysy joq, sebebi elordada «Jeńis» klýby qazirdiń ózinde jekeshelendirilgen», dedi mınıstr.
Eske sala keteıik, buǵan deıin «Shahter» fýtbol klýbyn Tımýr Týrlov satyp alǵany belgili boldy. Al elordalyq «Jeńis» fýtbol klýbynyń ıesi Mıhaıl Lomtadze atandy. Petropavl qalasynyń «Qyzyljar» fýtbol klýbyna kásipker Sergeı Kan ınvestor bolǵany belgili boldy. Qyzylorda oblysynyń «Qaısar» fýtbol klýby TAU Group LTD kompanııasynyń basshysy Islamǵalı Kozbakovtyń jekemenshik basqarýyna resmı túrde berildi.
