Foto: ashyq derekkóz
Jobanyń ınvestory – Koka-Kola Almaty Bottlers birlesken kásiporny. О́ndiristik keshenge salynatyn ınvestısııa kólemi 41,9 mlrd teńgeni quraıdy. Jańa zaýyttyń jobalyq qýattylyǵy jylyna 280 mln lıtr alkogolsiz sýsyn óndirýge jetedi.
Resmı aqparatqa sáıkes, kásiporyn halyqaralyq standarttarǵa saı ekologııalyq taza tehnologııalarmen jabdyqtalady. О́ndiris barysynda qaldyqtardy basqarýdyń tıimdi júıeleri engiziledi. Bul zaýyttyń elimizdegi turaqty ónerkásiptik ekojúıege tolyq kirigýine múmkindik beredi.
Jobany iske asyrýdyń áleýmettik áseri de bar. Zaýyt paıdalanýǵa berilgennen keıin óńirde 120-dan astam jańa jumys orny ashylady. Al qurylys jumystary 2026 jyly bastalady dep josparlanǵan.
Aıta keteıik, «Koka-Kola Almaty Bottlers» kompanııasy nıderlandtyq Sı-Sı-Aı Interneshnl Golland jáne túrkııalyq Koka-Kola Ichedjek Anonım kompanııalaryna tıesili. Atalǵan kásiporyn Coca-Cola Icecek halyqaralyq kompanııalar tobynyń quramyna kiredi.
