Foto: travelpress.kz
Temirjol vokzaldarynda mereke kúnderi «Jolaýshylar tasymaly» AQ-nyń 122 bılet kassasy, onyń 40-y 31 jeltoqsannan 1 qańtarǵa qaraǵan túni jumys isteıdi.
Jańa jyl qarsańynda jolaýshylardy tasymaldaýǵa 81 poıyz brıgadasy jáne 1 600-den astam jolserik jumyldyrylady.
Mereke kúnderi poıyz ben ushaq kestesi qalaı ózgeredi?
«Mereke túni poıyz brıgadalarymen qatar vokzaldar boıynsha kezekshiler, anyqtamalyq bıýro qyzmetkerleri, tasymaldaýdy basqarý ortalyqtarynyń dıspetcherleri, jol monterleri jáne poıyzdar qozǵalysynyń qaýipsizdigi, júkterdiń saqtalýy jáne temirjoldaǵy tártiptiń úılesimdi jumysyna qatysy bar basqa da mamandar qyzmet atqarýdy jalǵastyrady», delingen kompanııa taratqan habarlamada.
Aıta keteıik, qazir el aýmaǵynda keńes dáýirine deıin nemese keńestik kezeńde salynyp, 30 − 40 jyldan beri kúrdeli jóndeýden ótpegen 124 vokzal jańartylyp jatyr.
