Bul jerde Taraz garnızonynyń taý qoryqshylary jeke polki ornalasqan. Dańqty qolbasshy, Keńes Odaǵynyń Batyry, Halyq qaharmany Baýyrjan Momyshulynyń 115 jyldyǵyna arnalǵan saltanatty jıynda polk basshylyǵy, jeke quramy, shaqyrylǵan qonaqtar jáne Qarýly kúshterdiń ardagerleri boı kórsetti.
Qorǵanys mınıstri avıasııa general-leıtenanty Dáýren Qosanov óz sózinde Jambyl oblysy Álisher Qyryqbaıuly, Áýesbaı Kómekbaıuly, Ámir Jańabaıuly, Maqsat Turaruly, Muhıt Balmaǵambetuly, Tileýjan Qýatjanuly jáne Maqsat Qurmanǵazyuly syndy batyrlarymen maqtana alatynyn atap ótti.
Onyń aıtýynsha, bul batyrlar – óz halqyna adal qyzmet etken, Otan qorǵaǵan naǵyz patrıottar. Qazaqstandyqtar erjúrek jaýyngerler men Baýyrjan Momyshulynyń erligin umytpaıdy. Oǵan Halyq qaharmany ataǵynyń berilýi – halyqtyń batyrdyń erligine degen zor qurmetiniń aıqyn kórinisi.
Eske salsaq 25 jeltoqsanda Uly Otan soǵysyndaǵy kórsetken erligi men batyldyǵy úshin Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen Baýyrjan Momyshulyna (qaıtys bolǵannan keıin) Halyq qaharmany ataǵy berilip, erekshe aıyrym belgisi – Altyn Juldyz ben «Otan» ordeni tapsyryldy.
