Foto: Qorǵanys mınıstrligi
«Tazy ıt kóshpelilerdiń úılesimdi ómirin beıneleıtin «Jeti qazyna» qataryna kiredi. Aıqas menimen birge 5 jyl qyzmet etip keledi. Biz úshin mańyzdy jetistik – Aqmola oblysynda ótken «Altyn qazyna» respýblıkalyq tazy jarysynda jeńiske jetýimiz jáne Aqtóbe oblysyndaǵy «Salbýryn» dalalyq synaǵynda júldeli oryn alýymyz», dedi maıor N.Jamanǵarın.
Tazy da naǵyz sarbaz
5 jyl ishinde Aıqas bólimsheniń kúndelikti ómirine tolyqtaı beıimdeldi. Onyń kún tártibi naǵyz sarbazdikindeı eken. Tańerteń turý, as ishý jáne oqý-jattyǵýlar ol úshin qalypty jaǵdaı.
Rámizderge qurmet bildiredi
Áskerı tártipke úırengen «tazy jaýynger» saptyq jıyndarǵa da qatysady. Ol plasqa birinshi bolyp kelip, komandırdiń buıryǵymen tý tuǵyrynyń janynda otyrady. Saltanatty rásimderde Aıqas el rámizderine qurmet bildirip, Memlekettik ánurannyń áýenine ózinshe ún qosady.
Eń jaqsy qasıetterin aıqyn kórsetken
Qyzmet barysynda Aıqas tazy tuqymynyń eń jaqsy qasıetterin aıqyn kórsetti. Ol shapshań, tózimdi ári tez úırengish. Sarbazdarmen birge áýe keńistigin qorǵaý mindetin atqaratyn áskerı bólim aýmaǵyn patrýldeýge shyǵady. Qyraǵylyǵy men sezimtal estý qabileti oǵan kúzet mindetterin tıimdi oryndaýǵa múmkindik beredi.
