Sınoptıkterdiń boljamy boıynsha, qańtar aıynda respýblıka aýmaǵynyń barlyǵynda aılyq ortasha aýa temperatýrasy klımattyq normadan 1-2°S-qa joǵary bolady.
Aılyq jaýyn-shashyn mólsheri Qazaqstannyń basym bóliginde norma shamasynda boljanady. Normadan kóp jaýyn-shashyn Pavlodar oblysynda, Soltústik Qazaqstan jáne Shyǵys Qazaqstan oblystarynyń basym bóliginde, Qostanaı oblysynyń soltústiginde, Aqmola, Qaraǵandy jáne Abaı oblystarynyń soltústik-shyǵysynda, Almaty jáne Jambyl oblystarynyń ońtústik jartysynda, Túrkistan oblysy men Jetisý oblysynyń ońtústik-shyǵysynda bolady.
Aı boıy qar jaýýy, ekpindi jel, boran, tuman jáne kóktaıǵaq qubylystary ashyq, aıazdy aýa raıymen almasady.
Eldiń batysynda birinshi onkúndiktiń basynda túnde aýa temperatýrasy -10…-18°S-qa deıin, kúndiz -5…-12°S-qa deıin tómendeıdi.
Eldiń soltústik-batysynda, soltústiginde jáne ortalyq óńirlerinde túngi aýa temperatýrasy -10…-20°S-tan -3…-8°S-qa deıin, kúndiz -12…-2°S-tan -5…+3°S-qa deıin aýytqıdy.
Qazaqstannyń shyǵysynda túnde aýa temperatýrasy -2…-13°S-tan -10…-18°S-qa deıin, kúndiz -6…+2°S-tan -2…-10°S-qa deıin bolady.
Eldiń ońtústik-batysynda, ońtústiginde jáne ońtústik-shyǵysynda túnde aýa temperatýrasy -2…-12°S-tan -5…+5°S-qa deıin, kúndiz -3…+8°S-tan +5…+10°S-qa deıin, al eldiń qıyr ońtústiginde +15°S-qa deıin joǵarylaýy múmkin.
Aıdyń ekinshi jáne úshinshi onkúndikterinde soltústik, soltústik-batys, shyǵys jáne ortalyq óńirlerde sýyq aýa massalarynyń enýi kezinde túngi aýa temperatýrasynyń -25…-35°S-qa deıin, kúndiz -15…-20°S-qa deıin tómendeýi boljanady. Qańtardyń eń jyly kúnderinde aýa temperatýrasy -5…+3°S-qa deıin kóteriledi.
Batysta sýyq tolqyndary kezinde túnde aýa temperatýrasy -20…-27°S-qa deıin, kúndiz -12…-19°S-qa deıin tómendeıdi. Aıdyń jekelegen kúnderinde kúndizgi aýa temperatýrasynyń 0…+5°S-qa deıin joǵarylaýymen jylymyq bolýy múmkin.
Qazaqstannyń ońtústik jartysynda túngi aýa temperatýrasy 0…-5°S-tan -10…-20°S-qa deıin, kúndiz +2…+12°S-tan -3…-13°S-qa deıin aýytqıdy. Úshinshi onkúndiktiń jekelegen kúnderinde túnde aýa temperatýrasy -20…-30°S-qa deıin, kúndiz -10…-18°S-qa deıin tómendeıdi.
