Foto: istockphoto.com
2026 – 2028 jyldarǵa arnalǵan respýblıkalyq bıýdjet týraly zańǵa sáıkes, AEK mólsheri 4 325 teńgege deıin kóterildi (2025 jyly 3 932 teńge bolǵan). Negizgi quqyq buzýshylyqtar úshin jańa aıyppul mólsherleri:
- Qoǵamdyq oryndarda balaǵat sóz aıtý: Buǵan deıin mınımaldy aıyppul 20 AEK nemese 78 640 teńgeni qurasa, 2026 jyly 86 500 teńgege jetti.
- Saıabaqtar men skverlerge qoqys tastaǵany úshin birinshi rette 10 AEK – 43 250 teńge, al bir jyl ishinde qaıtalanǵan jaǵdaıda 20 AEK – 86 500 teńge aıyppul salynady.
- Alkogol ishý nemese mas kúıde kóriný: Mınımaldy aıyppul (5 AEK) 19 660 teńgeden 21 625 teńgege, al qaıtalanǵan jaǵdaıda (10 AEK) 43 250 teńgege ósti.
- Usaq buzaqylyq: Ǵımarattardy, qoǵamdyq oryndardy nemese kóliktegi múlikti búldirgeni úshin aıyppul endi 216 250 teńgeni (50 AEK) quraıdy.
Qozǵaltqysh kólemi 4 lıtrden asatyn kólikterge salyq mólsheri ósti
Vandalızm jasaǵandar úshin qylmystyq jaza qarastyrylǵan. Aıyppul mólsheri 100-den 200 AEK-ke deıin, ıaǵnı 432 500 teńgeden 865 000 teńgege deıin barady. Aýyrlatýshy jaǵdaılarda bul soma 2,1 mıllıonnan 8,6 mıllıon teńgege (500–2 000 AEK) deıin jetýi múmkin. Eger vandalızmdi kámeletke tolmaǵan bala jasasa, onyń ata-anasyna nemese qamqorshysyna salynatyn aıyppul 64 875 teńgeni (15 AEK) quraıdy.
