Foto: istockphoto.com
Reseı Ǵylym akademııasy Ǵaryshtyq zertteýler ınstıtýtynyń Kún astronomııasy zerthanasy ǵalymdarynyń málimetinshe, 31 jeltoqsanda Kún betinde M7.1 deńgeıindegi aıtarlyqtaı qýatty jarqyl bolǵan. Dál osy qubylys aldaǵy geomagnıttik belsendiliktiń sebebi bolyp otyr. Jarqyl Jerge baǵyttalǵan materııanyń bólinýimen ulasty.
«Daýyldyń deńgeıi G2 (ortasha) bolady dep boljanyp otyr. Dese de, onyń G3 jáne odan joǵary deńgeıge deıin kúsheıý yqtımaldyǵy shamamen 30%-dy quraıdy», delingen zerthana habarlamasynda.
Boljamdyq kartalarǵa sáıkes, magnıttik daýyl 3 qańtarǵa sáıkes keledi. Dál osy kúni geomagnıttik tolqýlardyń bolý yqtımaldyǵy 90%-ǵa jýyq.
Degenmen ǵalymdar jańajyldyq demalys kúnderiniń qalǵan bóliginde jaǵdaı turaqty bolatynyn aıtady.
«Aldaǵy birneshe kúndi esepke almaǵanda, aıdyń birinshi jartysy negizinen tynysh bolady. Geomagnıttik ahýaldy tek Kún betindegi jańa qýatty jarqyldar ǵana ózgertýi múmkin», dep naqtylady mamandar.
