Foto: ashyq derekkóz
Shyǵarmashylyq jolyn balalar poezııasynan bastaǵan aqyn bara-bara fılosofııalyq taqyryptarǵa qalam terbep, adam janynyń tereń qatparlaryna úńilgen irgeli eńbekterimen erekshelenedi. Onyń «Oı ormany», «Dala dıdary» syndy kitaptary qazaq oqyrmanyna úlken jańalyq bolyp keldi.
Qadyr Myrza Áli ónerdiń ózge de janrlaryn da jatyrqamaı jaqsy jazdy. Aıtalyq ánge arnap jazylǵan óleńderiniń sany eki júzden asty. Olardyń kóbi halyqqa keń tarady, «Kúnder-aı» atty jeke kitap bolyp basylyp shyqty.
Aqyn qalamynan halyq folklorynyń ataqty kúldirgi keıipkeri Aldar kóse jaıly «Saqal saýdasy», «Qasqyr qaqpan» atty ótkir satıraly komedııa men Mahambettiń eń sońǵy azapty kúnderine arnalǵan «Jaraly jolbarys» atty jáne «Ámir Temir» kesek dramalyq shyǵarmalary da jaryq kórdi.
Aýdarma baǵytynda da orasan zor eńbek etti. Qadyr álem ádebıetiniń klassıkterin óndirte aýdardy.
О́miriniń sońǵy bel-belesinde qalamgerlerdiń shyǵarmashylyqtan tys ómirin derektegen «Jazmysh» pen «Iirim» kitaptary jaryq kórdi.
Jaqynda Jazýshylar Odaǵynyń yjdaǵatymen aqynnyń atalǵan kitaptary qaıta basylyp shyqty.
21 qarasha kúni aqynnyń shyǵarmashylyq zerthanasyn zerdelegen «Qadyr aqynnyń qaryndashy» atty tanymdyq maqala jarııalaǵan bolatynbyz.
