Prezıdent: Sarbazdardyń jaraqat alýy men qaza bolýy órkenıetti elge jat úrdis

Memleket basshysynyń aıtýynsha, komandırler áskerı qyzmetshilerge úlgi-ónege bolýǵa tıis.

«Men áskerı boryshyn óteýge sha­qyrylǵan sarbazdardyń jaraqat alýy men qaza bolýyna qatysty oqıǵalardy ór­kenıetti elge jat, teris úrdis dep sa­naı­myn. Beıbit zamanda mundaı jaıt­tar bolmaýǵa tıis. Bul týraly barlyq kúshtik qurylym basshylarymen jýyr­da ótken keńeste de aıttym. Qorǵanys salasyna jaýapty mekemeniń basshyly­ǵyn tárbıe jumysyn durys qadaǵalamaı otyrǵany úshin synǵa aldym. Armııa jas­tarǵa qoldaý kórsetip, olardy eli­miz­diń naǵyz azamaty retinde tárbıelep shyǵarýy kerek. Komandırler áskerı qyzmetshilerge úlgi-ónege bolýǵa tıis. Ás­kerde álimjettikke, buzaqylyqqa, rý­shyldyqqa, jershildikke oryn joq, on­daı jaıttarǵa jol berilmeıdi. Mu­nyń bárin ózim jeke qadaǵalap otyra­myn. 
Men ahýaldy túzeý úshin shuǵyl sha­ra­lar qabyldaý jóninde buıryq berdim. De­genmen, qaıǵyly oqıǵalar áskerı bó­limshelerdiń bárinde bolyp jatpaǵanyn atap ótken jón. Tekserý jumystary, jalpy, ásker­degi tártip qatań saqtalatynyn kórset­ti», dedi Memleket basshysy.

Prezıdent armııada temirdeı tártip bolýǵa tıis ekenin aıtty.

«Tanymaldyqqa umtylǵan keıbir blo­gerler áskerdegi shynaıy ahýalǵa múldem janaspaıtyn sóz taratyp júr. Olar armııany sarbazdar kún saıyn der­lik qylmyskerlerdiń qurbanyna aı­nalyp, qaza tabatyn jer retinde kórsetkisi keledi.   
Shyn máninde, sarbaz bolý – ózińdi da­mytý úshin tyń múmkindikterge ıe bolý degen sóz. Áskerı boryshyn ótep qaıt­qan jastar joǵary oqý oryndary men kolledjderde tegin oqı alady. 
Olar áskerde júrgende suranysqa ıe mamandyqtardy meńgeredi. Kelisimshart­pen jumys isteıtin áskerı qyzmet­shi­ler men ofıserler áleýmettik jaǵy­nan barynsha qorǵalǵan. 
Armııada temirdeı tártip bolýǵa tıis. Sarbazdar ant bergende aıtatyn «Áskerı qyzmettiń aýyrtpalyqtary men qıyn­shylyqtaryn tabandylyqpen kó­teremin» degen sózden áskerı ómirdiń qa­tańdyǵyn aıqyn ańǵarýǵa bolady», dedi Prezıdent.  

Qasym-Jomart Toqaev Tarazdaǵy mamandan­dyryl­ǵan áskerı mektepke Baýyrjan Mo­myshulynyń esimin berý týraly she­shim qabyldaǵany týraly tilge tıek etti.

«Áskerı qyzmettiń abyroı-bedelin kó­terý jáne elimizdiń qorǵanys qabile­tin arttyrý – memlekettiń basty basym­dy­ǵynyń biri. Qarýly Kúshterimizdi teh­nologııalyq turǵydan jańǵyrtý ju­mysy qarqyndy júrgizile bastady. Byl­tyr Uly Jeńistiń 80 jyldyǵyna oraı ótkizilgen áskerı sherýdi sheteldik saıasatkerler men áskerı qaıratkerler jo­ǵary baǵalady, bul is-shara armııa­myz­dyń zamanaýı qarý-jaraqpen jáne tehnıkamen, sonyń ishinde Qazaqstanda jasalǵan ónimdermen tolyq jabdyq­tal­ǵanyn, sondaı-aq, áskerı qyzmetshi­leri­mizdiń daıyndyǵy óte jaqsy ekenin aıqyn kórsetti. Áskerı bólimshelerimiz el ishindegi jáne halyqaralyq deńgeıdegi jattyǵýlarda tamasha nátıjege jetip júr. Qazaqstanda kolledjderden bastap ýnıversıtetke deıingi bilim jáne ǵylym mekemelerin túgel qamtıtyn ulttyq áskerı mektep qalyptasty.  
Jýyrda Tarazdaǵy mamandan­dyryl­ǵan áskerı mektepke bardym. Onda áleý­­mettik jaǵynan osal toptaǵy otba­sy­lar­dan shyqqan balalar oqıdy. Bul – jaq­sy bastama. Men osy mektepke aty ańyz­ǵa aınalǵan batyrymyz Baýyrjan Mo­myshulynyń esimin berý týraly she­shim qabyldadym. Oblys ortalyǵynyń bárinde osyndaı mektep ashý týraly tap­syrma berdim. Bul bilim mekemelerin­de búkil elimiz maqtan tutatyn sardar­lar men generaldar tárbıelenip shyǵa­ty­nyna senimdimin», dedi Memleket basshysy.