Foto: Acquire Licensing Rights
QMA Qyzylorda oblysy boıynsha departamenti sıfrlyq aktıvterdiń zańsyz aınalymyn uıymdastyrý jáne esirtki satýdan túsken kiristerdi zańdastyrý deregi boıynsha tergeýdi aıaqtady. Bir jyl boıy kásibı aqsha jylystatýshylar toby sıfrlyq aktıvterdi aıyrbastaý operasııalaryn júrgizgen.
Krıptoámııandar arqyly ótken jalpy aınalym 1,88 mlrd teńgeden asty.
«Sonymen qatar, kúdiktiler «Fresh», «Butterfly», «CrystalOrganic», «Traýtvaıt NON kıvı» jáne «SkittyShop» Telegram-arnalary arqyly esirtki satýdan túsken 603 mln teńgeni zańdastyrǵan. Shemada shetel azamattarynyń atyna tirkelgen drop-kartalardyń uıymdasqan jelisi paıdalanylǵan», delingen habarlamada.
Qylmystyq jolmen alynǵan tabysqa kúdiktiler turǵyn úı, páter, 5 avtokólik satyp alyp, sondaı-aq otbasylyq meıramhana salǵan. Sottyń sanksııasymen atalǵan múlikke tyıym salyndy. Qylmystyq is sotqa joldandy. Eki kúdikti qamaýǵa alyndy.
QR QPK-niń 201-babyna sáıkes ózge aqparat jarııa etýge jatpaıdy.
