Túsirý toby Almatynyń birqatar mańyzdy nysanyn aralady. Atap aıtqanda, Voznesenskıı sobory, Ortalyq memlekettik mýzeı, Respýblıka Saraıy, M. Gorkıı atyndaǵy Ortalyq mádenıet jáne demalys saıabaǵy, Astana alańy, Amangeldi Imanov atyndaǵy skver, «Sputnik Mall» saýda jáne oıyn-saýyq ortalyǵy men Baıken meshiti kórinis tapty. Túsirilim jumystary byltyr kóktemde júrgizilip, qalanyń tarıhı, mádenı jáne tabıǵı keńistikteriniń san qyrly bolmysyn ekran tilimen sóıletti.
Komanda quramynda shamamen 70 adam bar. Almaty qalasynyń Týrızm basqarmasy jan-jaqty qoldaý kórsetip, túsirilimniń úılesimdi ári mazmundy ótýine septigin tıgizgen.
«Pekin Express» – Fransııadaǵy týrıstik talǵam men baǵytty aıqyndaıtyn eń yqpaldy medıajobalardyń biri. Baǵdarlamanyń árbir shyǵarylymyn mıllıondaǵan kórermen kórse, jekelegen bólimder M6+ sıfrlyq platformasy arqyly keń aýdıtorııaǵa jol tartady. Belgili bir elde túsirilgen maýsym efırge shyqqan soń Fransııadan aǵylatyn týrıster sany dástúrli túrde keminde 15 paıyzǵa artady. Bul Almaty men Qazaqstandy álemdik týrıstik keńistikte tanytýǵa tyń serpin beredi.
Atalǵan maýsym Almatynyń ózindik ereksheligin aıshyqtap, qalanyń týrıstik baǵyt retindegi tartymdylyǵyn arttyra tústi.
Eske salaıyq, Memleket basshysy Qasym-Jomart Toqaev keshe «Túrkistan» gazetine bergen suhbatynda Almatydaǵy Taý shańǵysy týrızmin damytý úshin tyń tásilder qajet ekenin aıtqan bolatyn.
