Foto: Úkimet
Osyǵan oraı Aýyl sharýashylyǵy mınıstrliginiń aldyna bir apta ishinde et óndirisi men eksportynyń kólemin arttyrý jónindegi naqty sharalarmen birge, mal sharýashylyǵyn odan ári damytý boıynsha usynystar engizý mindeti qoıyldy. Sondaı-aq sharýalarǵa jeńildetilgen nesıe berý tetigin keńeıtý de tapsyryldy.
«Eginshilerdi tikeleı sýbsıdııalaý ornyna jeńildetilgen nesıe berý tetigi óziniń tıimdiligin kórsetkenin aıta ketý kerek. Mınıstrlik «Báıterek» holdıngimen birlesip, osyǵan uqsas aýyl sharýashylyǵyn qoldaý quraldarynyń aıasyn keńeıtýdi jalǵastyrýy tıis», dedi Oljas Bektenov.
Úkimet basshysy Prezıdenttiń baǵdarlamalyq suhbatynyń qorytyndysy boıynsha týrızm mınıstrligi men ákimdikterge de tapsyrma júktedi.
«Memleket basshysy atap ótkendeı, týrızm salasy ekonomıkanyń birneshe sektoryn qamtıdy. Sondyqtan barlyq tıisti memlekettik organdar men ákimdikterdiń jumysyn úılestirý qajet. Bul rette, ár óńirde óziniń týrızmdi damytý baǵdarlamalary bar», dedi Oljas Bektenov.Týrızm jáne sport mınıstrligi óńir ákimdikterimen birge bir aı merzimde naqty is-sharalar josparyn usyna otyryp, 2029 jylǵa deıingi týrızmdi damytý tujyrymdamasyn tolyqtyryp, túzetýi qajet. Oǵan qosymsha Ǵylym jáne joǵary bilim mınıstrligimen birlesip, týrızm salasyndaǵy kadrlyq máselelerdi sheshý úshin qosymsha sharalar qabyldaý tapsyryldy.
Sondaı-aq búgin Úkimet otyrysynda ekonomıkanyń barlyq salasyna zamanaýı tehnologııalardy engizý máselesi de talqylandy.
