Sýret: nazarmedia.kz
Suhbatta keltirilgen derekter atqarylǵan jumystyń aýqymyn kórsetedi. Osy kezge deıin 1,3 trln teńgeden asa qarajat el ıgiligine qaıtaryldy. Onyń 1 trln teńgeden astamy memleket bıýdjetin tolyqtyrýǵa baǵyttaldy. Arnaıy qor arqyly bólingen qarajat áleýmettik jobalarǵa jumsalyp keledi.
Bul úderiste Qaıtarylǵan aktıvterdi basqarý kompanııasy mańyzdy ról atqarady. О́ıtkeni ol aktıvterdiń ashyq ári tıimdi satylýyn qamtamasyz etip, olardy qoǵam ıgiligine aınaldyryp otyr.
Byltyr 17 jeltoqsandaǵy Prezıdent Jarlyǵyna sáıkes, Aktıvterdi qaıtarý jónindegi komıtettiń fýnksııalary men ókilettikteri Bas prokýratýraǵa berildi. Komıtet Investorlardyń quqyqtaryn qorǵaý komıteti bolyp qaıta quryldy.
Bas prokýratýra zańsyz alynǵan aktıvterdi qaıtarý máseleleri boıynsha quqyq mırasqory bolyp tanylyp, onyń janynan tıisti qyzmet qurylyp, jumys jańartylǵan qurylymda jalǵasyp otyr.
Jalpy, komıtettiń qaıta qurylýy onyń mindetterinen bas tartýdy bildirmeıdi. Qaıtarý tetikteri ýákiletti memlekettik organdardyń jumysyna engizildi, sonymen qatar adal ınvestorlardyń quqyqtaryn qorǵaý kúsheıtilip jatyr. Mundaı teńgerim ádilettilikti qalpyna keltirýge de, bıznes úshin quqyqtyq boljamdylyqty saqtaýǵa da múmkindik beredi.
Bıylǵy 3 qańtardaǵy «Qazaqstan Respýblıkasynyń Konstıtýsııalyq Sotynyń sheshimderin oryndaý jáne memleketke zańsyz alynǵan aktıvterdi qaıtarý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań aktıvterdi qaıtarý rásimderin naqtylap, ashyqtyqty kúsheıtedi jáne qaıtarylǵan qarajatty qoǵam ıgiligine baǵyttaýǵa múmkindik beretin tetikterdi keńeıtip otyr.
5 trln teńgeden asatyn ınvestısııalyq kelisimder qarapaıym konfıskasııadan ekonomıkany jáne eldiń uzaqmerzimdi damýyn qoldaıtyn modelge kóshýdi kórsetedi.
Osy tusta Qaıtarylǵan aktıvterdi basqarý kompanııasynyń jumysy erekshe mańyzǵa ıe ekenin aıta ketken jón. О́ıtkeni biz ashyq saýdalardy, sıfrlyq rásimderdi, qoǵamdyq eseptilikti jáne aktıvterdiń qoǵam múddesine tıimdi paıdalanylýyn qamtamasyz etemiz. Sol arqyly kompanııa qyzmeti ádilettilik pen ashyqtyqqa negizdelgen memlekettik saıasattyń mańyzdy býynyna aınalyp keledi.
Qýanyshbek MUQASh,
Qaıtarylǵan aktıvterdi basqarý kompanııasynyń bas dırektory
