foto: Getty Images
Merılend shtatynan saılanǵan Deleını prezıdenttiń ókiletinen asyp, bılik tarmaqtarynyń tepe-teńdigin buzýyna qarap otyra almaıtynyn aıtty.
Onyń aıtýynsha, Tramp Kongress maquldamaǵan áreketke barǵan. Bul – AQSh Konstıtýsııasynyń talaptaryn buzý. Sonymen qatar, ol Venesýela prezıdenti Nıkolas Madýrony ornynan ketirgennen keıin bul eldi ózi basqarýǵa nıetti ekenin bildirgen.
Impıchment týraly aıta kele, Deleını bul bastama konstıtýsııalyq tártip pen zań shyǵarýshy bıliktiń rólin qorǵaýǵa baǵyttalǵanyn atap ótti.
Tramp ákimshiligi Venesýeladaǵy operasııany bas qolbasshy retindegi ókilettigi aıasynda júrgizilgen shara dep atady. Olar bul áreketti order negizinde júzege asqan operasııa retinde sıpattady.
Venesýelada prezıdent rezıdensııasynyń mańynda atys boldy
AQSh Kongresindegi demokrattar Aq úıdiń bul áreketin qatań synǵa aldy, sebebi Kongress tarapynan aldyn ala habarlaý jáne ruqsat alynbaǵan.
Senbige qaraǵan túni Karakasta birneshe jarylys boldy. Prezıdent Donald Tramptyń aıtýynsha, AQSh Venesýela astanasyna iri soqqylar jasap, prezıdent Nıkolas Madýro men onyń jubaıyn tutqyndap, elden shyǵarǵan. Boljam boıynsha, olar aldymen Gýantanamo áskerı bazasyna, keıin Nıý-Iorkke jetkizilip, Brýklındegi tergeý ızolıatoryna qamalyp, keıin sotqa tartyldy. Madýroǵa birneshe aýyr aıyp taǵyldy.
Venesýela kóshbasshysy búgin sotqa tartylady
Karakas bıligi AQSh-tyń shabýyldaǵy basty maqsaty — Venesýelanyń munaı men mıneral resýrstaryn baqylaýǵa alý dep málimdedi. BUU Bas hatshysy Antonıý Gýterrısh AQSh operasııa barysynda halyqaralyq quqyq normalaryn buzǵanyn aıtty.
