Jalpy eksporttyq lımıt 20 myń tonna deńgeıinde bekitildi. Kvota tek menshikti bordaqylaý alańy bar et óńdeýshi kásiporyndarǵa beriledi. Iаǵnı maldy ózi ósirip, ózi bordaqylamaıtyn eksporttaýshylar naryqtan yǵystyrylady.
Bir kásiporynǵa beriletin kvota bordaqylaý alańynyń qýatyna tikeleı baılanysty. Máselen, 5 myń bastan asatyn alańy bar óndirýshi 1 myń tonnaǵa deıin, al 50 myń bastan joǵary qýaty bar kásiporyn 10 myń tonnaǵa deıin et eksporttaı alady.
Mınıstrlik bul sheshimdi ishki naryqty qorǵaý jáne alypsatarlyqty tejeý qajettiligimen túsindiredi. Sońǵy jyldary jekelegen kompanııalar men shaǵyn soıý sehtarynyń maldy bordaqylaýsyz qaıta satyp, eksportqa jóneltýi et baǵasynyń ósýine yqpal etken. Mundaı deldaldyq shema suranys pen usynystyń naqty teńgerimin burmalap, ishki naryqqa qysym túsirgen.
Jańa kvota tetigi óndiristik ınfraqurylymǵa ınvestısııa salatyn, tehnologııa engizetin jáne turaqty jumys oryndaryn ashatyn naqty óndirýshilerdi qoldaýǵa baǵyttalǵan. Sonymen qatar ettiń shyǵý tegin baqylaýdy kúsheıtip, statıstıkanyń ashyqtyǵyn qamtamasyz etý kózdelip otyr.
Mınıstrlik ókilderiniń aıtýynsha, ýaqytsha shekteýlerdiń basty maqsaty − azyq-túlik qaýipsizdigin saqtaý, ishki tutynýdy basymdyqqa qoıý jáne mal sharýashylyǵyn uzaq merzimde turaqty damytý.
Nátıjesinde, bul qadam otandyq fermerler men et óńdeýshilerdiń pozısııasyn nyǵaıtyp, ishki naryqta sapaly sıyr etiniń qoljetimdiligin arttyrýy tıis.
