Ǵylym • 08 Qańtar, 2026

Ustazdar qoldanystaǵy zańnyń túıtkildi tustaryn atady

50 ret

kórsetildi

1 mın

oqý úshin

Májilis depýtaty, Qazaqstan Halyq partııasy fraksııasynyń múshesi Islam Suńqar óńirlerge jumys sapary aıasynda M.Áýezov atyndaǵy Ońtústik Qazaqstan zertteý ýnıversıtetine bardy, dep jazady Egemen.kz.

Azamat QOIShYǴARA

Ustazdar qoldanystaǵy zańnyń túıtkildi tustaryn atady

Ýnıversıtettiń professor-oqytýshylar quramymen jáne stýdentterimen ashyq formatta ótken kezdesýde joǵary bilim berý men ǵylym salasyndaǵy ózekti máseleler jan-jaqty talqylandy. Atap aıtqanda, oqytýshylardyń mártebesin kóterý, olardyń áleýmettik jaǵdaıyn jaqsartý, ǵylymı-zertteý jumystaryn qoldaý tetikterin jetildirý, sondaı-aq stýdentterdiń bilim sapasyn arttyrý, oqý prosesin jańǵyrtý máseleleri sóz boldy.

Sonymen qatar shákirtaqy mólsheri, áleýmettik qoldaý, jataqhanamen qamtý jáne bilim granttaryn bólý tártibi de nazarǵa alyndy.

Jıynda ýnıversıtet ujymy men bilim alýshylar Májilis depýtatyna ózderin tolǵandyrǵan suraqtaryn qoıyp, joǵary bilim berý júıesin jetildirýge baǵyttalǵan naqty usynystaryn ortaǵa saldy. Qoldanystaǵy zańnamadaǵy keıbir túıtkildi tustarǵa da erekshe kóńil bólindi.

О́z kezeginde Islam Suńqar jıynda kóterilgen árbir másele boıynsha pikir bildirip, olardy zańnamalyq deńgeıde qarastyrý múmkindikteri men naqty sheshý joldaryna toqtaldy. Depýtat bilim men ǵylymdy damytý memlekettiń strategııalyq basymdyqtarynyń biri ekenin atap ótti. Aıtylǵan usynystar tıisti memlekettik organdarǵa joldanyp, Májilis qabyrǵasynda qarastyrylatynyn jetkizdi.

Kezdesý sońynda taraptar ashyq dıalog alańdarynyń mańyzdylyǵyn atap ótip, aldaǵy ýaqytta da ózara yntymaqtastyq pen tyǵyz baılanysty jalǵastyrýǵa daıyn ekenderin bildirdi.