Foto: rail-news.kz
Engizilgen ógeristerge sáıkes endi otandyq kásiporyndarǵa el ishinde temirjol arqyly basym taýarlardy tasymaldaýǵa jumsalǵan shyǵyndardyń 50%-na deıin ótemaqy beriledi. О́temaqynyń eń joǵary mólsheri 10 myń aılyq eseptik kórsetkishti (43,25 mln teńge) quraıdy. О́nerkásip jáne qurylys mınıstrligi buǵan deıin elimizde ishki temirjol tasymaldaryn memlekettik qoldaý sharalary qoldanylmaǵanyn atap ótti.
Jańa bastama óndirýshilerdiń kólik shyǵyndaryn azaıtýǵa, otandyq ónimniń básekege qabilettiligin arttyrýǵa baǵyttalǵan.
Sonymen qatar halyqaralyq ónimdi sertıfıkattaý shyǵyndaryn óteý kólemi de bes ese ulǵaıdy. Buryn memleket 3 000 AEK-ke deıin ótemaqy berse, qazir – 15 000 AEK-ke deıin artyp, shamamen 65 mln teńgeni qurap otyr. Halyqaralyq sertıfıkattardyń bolýy eldegi kompanııalarǵa transulttyq qurylymdardyń tenderlik rásimderine qatysýǵa jáne eksporttyq múmkindikterin keńeıtýge múmkindik beredi.
Toqaev: Qazaqstan Azııa úshin et ónimderiniń iri eksporttaýshysy bola alady
Sondaı-aq, «О́nerkásiptik-ınnovasııalyq qyzmet sýbektileriniń eńbek ónimdiligin arttyrýǵa baǵyttalǵan ónerkásipti memlekettik yntalandyrý sharalaryn usyný qaǵıdalaryna» birqatar ózgerister engizildi. Salyq kórsetkishteri boıynsha talaptar jeńildetildi. Soǵan saı endi jyl saıynǵy salyq túsiminiń ósý sharty jeti jyldan az tirkelgen kásiporyndarǵa qoldanylmaıdy (buryn bul merzim úsh jyldan az bolǵan). Bul jańa óndiristerdiń jobalyq qýatqa shyǵý merzimin eskerip, memlekettik qoldaýdyń qoljetimdiligin arttyrady.
Aıta keteıik, «QazIndustry» Qazaqstandyq ındýstrııa jáne eksport ortalyǵy kásiporyndardyń eńbek ónimdiligin arttyrýǵa jáne ónimdi ishki naryqqa ilgerletýge jumsalǵan shyǵyndaryn óteý boıynsha operator. 2025 jyldyń qorytyndysy boıynsha ortalyq shaǵyn jáne orta kásipkerlik sýbektileriniń 1 mlrd 436 mln teńgeden astam somadaǵy shyǵyndaryn ótedi. Memlekettik qoldaý shamamen 60 kásiporynǵa kórsetildi.
Memlekettik yntalandyrý sharalary týraly tolyq aqparat http://www.qazindustry.gov.kz resmı saıtynda jarııalanady.
