«Messendjerler men áleýmettik jelilerde Almaty qalasynyń memlekettik orta bilim berý uıymdarynda oqıtyn bilim alýshylardyń jeke derekteriniń taralýy jóninde jalǵan aqparattyń jarııalanýyna baılanysty, atalǵan málimetterdiń shyndyqqa sáıkes kelmeıtinin habarlaımyz.
Bilim berý prosesin esepke alýdyń jańa sıfrlyq júıesine kóshý aıasynda bilim alýshylardyń, olardyń zańdy ókilderiniń jáne pedagog qyzmetkerlerdiń jeke derekterin úshinshi tulǵalarǵa berý faktileri oryn alǵan joq», delingen habarlamada.
Sonymen qatar onda jeke derekterdi óńdeý bilim berý uıymdary tarapynan qoldanystaǵy zańnamanyń talaptaryna qatań sáıkes jáne tek bilim berý prosesin qamtamasyz etý men uıymdastyrý maqsatynda júzege asyrylatyny jazylǵan.
«Azamattardy jáne buqaralyq aqparat quraldarynyń ókilderin tek resmı aqparat kózderine súıenýge jáne rastalmaǵan aqparatty taratýdan aýlaq bolýǵa shaqyramyz», dep jazdy basqarmadan.
